أجمل صلاة فى حياتك كلها

#أجمل_صلاة_فى_حياتك
عاوزك #تتخيل معايا موقف أن انت قاعد فى البيت وسمعت الاذان
فدخلت اتوضيت وقررت ان انت تنزل تصلى فى المسجد واول
مانزلت صليت السنه وقاعد بتتبص حواليك مستنى الاقامه
فدخل المؤذن واقام الصلاة وقفت فى الصف زى ما كل الناس حواليك وقفت فى الصف ☺
بس لقيت اللى جمبك بيميل عليك ويقلك انا
#ملك_الموت ودى اخر صلاه ليك هتصليها وتموت بصتله اتخضيت اتفزعت وشك اصفر لقيته فعلا ملك الموت بتبص حوليك لقيت مفيش حد منهم حاسس بحاجه
ساعتها الامام قال الله اكبر وكبر ودخل فى الصلاة بتبص لقيت الناس بتصلى ومحدش حاسس باللى انت فيه وان دى اخر صلاه فى حياتك
قلت الله اكبر وافتكرت حديث النبى صل الله عليه وسلم لما قال
"إن الله ينصب وجهه الى وجه عبده فى الصلاة مالم يلتفت "
فكنت خاشع اوى ومستشعر اوى ان الله عز وجل نصب وجهه لوجهك
وبتقول لنفسك التفت ازاى دى اخر صلاة
ساعتها الامام بدء يقراء "الحمد لله رب العالمين" فجت فى دماغك كل نعمة الله عز وجل من بيها عليك
" الرحمن الرحيم " فــ فتكرت كل رحمه وكل ستر نزل عليك
" مالك يوم الدين " اااه مالك يوم الدين يارب انت ملك يوم القيامة ومالك يوم القيامة يارب يارب ارحمنى يوم القيامة
" إياك نعبد و أياك نستعين " يارب ان مش هعبد غيرك ومش هستعين غير بيك ودى اخر صلاة ليا
" اهدنا الصراط المستقيم " كنت حاسسها اوى مع ان فاضل فى عمرك دقايق
" صراط الذين انعمت عليهم غير المغضوب عليهم ولا الضالين " وقلت وراه امييييييييييين من قلبك ❤
اوى بتتك عليها اوى كانك بتقول يارب احشرنى معاهم يارب مع الذين انعمت عليهم يارب خلاص مليش غيرك
وابتدء الامام ساعتها يقراء فى سوره بتسمع السوره وانت هيمان فيها هيمان فى كلام ربنا خاشع اوى مركز اوى عارف ان انت عمرك ماهتشبع منه ودى اخر صلاة وان انت هتموت بعدها خلاص
ساعتها الامام قال الله اكبر وركع فقلت وراه الله اكبر وركعت سبحان ربى العظيم انت العظيم يارب اقمتنى ولو امرتنى انى اركع وانحنى واتزل ليك يارب
ساعتها الامام قال سمع الله لمن حمده فقمت قايل ربنا ولك الحمد حمدا كثيرا طيبا مبارك فيه ملء السموات وملء الارض وملء ما شئت من شيء بعد .وانت بتستشعر اوى حمدك لله عز وجل
ساعتها الامام قايل الله اكبر ونزل وسجد قمت خريت ساجد حطيت وشك فى الارض اللى انت هتدفن فيها دلوقتى سبحان ربى الاعلى يارب ارحمنى يارب يارب اغفرلى يارب يارب امحوا خطايايا يارب هون عليا سكرات الموت يارب هون عليا ضمت القبر يارب هون عليا وحدة القبر
يارب يارب مليش غيرك انت يارب وبعد كده قلت التشهد وسلمت
السلام عليكم ورحمة الله السلام عليكم ورحمة الله .. ومت
حلوه الصلاه دى تعرف تعملها تخيل ان انت هتموت بعد اى صلاة